|| శ్రీ రఘుప్రేమ తీర్థ స్తోత్రం ||
వందే బ్రహ్మేంద్ర రుద్రాది వంద్య శ్రీపాద పంకజం |
శంఖ చక్ర గదా పద్మ ధారిణం హయ శీర్షకం || ౧ ||
శ్రీమదానంద తీర్థాఖ్యం ప్రణమామి జగద్గురుం |
యద్వదశ్చంద్రికా భక్త సంతాపం వినికృంతతి || ౨ ||
రఘుకాంతాఖ్య రఘుదాంతాఖ్య యతిద్వయ సకాశత: |
రఘుప్రేమ మునిర్జాతో అరణిభ్యాం పావకోయథా || ౩ ||
రఘుదాంత కరాబ్జోత్థమ్ శమాది గుణ బృంహితం |
రఘుప్రేమ మునిం వందే రామ పాదైక సంశ్రయం || ౪ ||
శ్రీమదానంద తీర్థార్య సంప్రదాయ పయోర్ణవే |
సుధేవహి సముద్భూతో రఘుప్రేమాఖ్య సన్ముని: || ౫ ||
కలికల్మష యోగేన దుష్టచేతస్క సజ్జనాన్ |
ఉద్ధర్తుం ప్రేషితోనూనం హరిణాహంసరాట్ భువం || ౬ ||
గురువర్య మహాభాగ సుజనేషు దయాంకురు |
ప్రార్థయామి దయాసింధో మాముద్ధర భవార్ణ్వాత్ || ౭ ||
దారిద్ర్య దు:ఖ సంతప్తా యేజనా: పర్యుపాసతే |
తేషాం దు:ఖ ప్రహాణంస్యాత్ క్షిప్రమ్ మౌనేరనుగ్రహాత్ || ౮ ||
యేనరాస్తర్తు మిచ్ఛంతి సుదుస్తర భవార్ణవం |
సమాశ్రయే యుర్నౌ కాం తే రఘుప్రేమార్య రూపిణీం || ౯ ||
యస్యాంఘ్రి ధూలి పరిభూషిత గాత్రవంత: |
యస్యాంఘ్రి ధావన జలం సిరసావహంత: |
యస్యాంఘ్రి కంజ మధు సేవన భృంగ భూతా: |
తే నిత్య సౌఖ్య ముపయాంతి హరే: ప్రసాదాత్ || ౧౦ ||
అఘాద్రేర్దారణీ దక్ష దృష్టి వజ్రిణమర్థయే |
ప్రణతార్తిం ప్రణస్యాశు ప్రణతానుద్ధరేత్యహం | ౧౧ ||
శిష్యోహం తనయోహం తే కింకరోహమ్ తవానఘ |
ప్రసీద కృపయామహ్యం బింబరూపం ప్రదర్శయ || ౧౨ ||
అస్మిన్ వృందావనే పుణ్యే సేవిత: పద్మజాదిభి: |
ఏకద్విత్రి చతుర్భిశ్చ పంచాష్ట దశరూపకై: || ౧౩ ||
చతుర్వింశతి రూపైర్వా ఏకపంచా శతా తథా |
శతరూపై సహస్రైశ్చ రూపకై రమతే హరి: || ౧౪ ||
హయగ్రీవశ్చ కృష్ణౌచ లక్ష్మీ నారాయణస్తథా |
ధన్వంతరిశ్చ రామౌచ కపిలోదత్త ఏవచ || ౧౫ ||
నృసింహ భూధరే హంసో రూపైరేతైరధోక్షజ |
సదా సన్నిహితో భూత్వా క్రీడతే భగవాన్ స్వయం || ౧౬ ||
యె నరా: శ్రద్ధయాయుక్తా: మునిరాజం భజంతితే |
జ్ఞాన విజ్ఞానమారోగ్యం ధైర్యం కీర్తించ సంతతిం || ౧౭ ||
ఈశత్వంచ వశిత్వంచ శ్రియం క్లేశ విమోచనం |
సర్వ సిద్ధించ ముక్తించ లభంతేహి యథేప్సితమ్ || ౧౮ ||
దివ్య సాధన సమ్పత్యా తుష్ట ప్రాణ ప్రసాదత: |
చతు: శతాబ్ధి పర్యంతం భజకేష్ట ప్రదాయక: || ౧౯ ||
వృందావనేత్ర తిష్ఠేత రాజమానో మహాముని: |
స్మారయన్నర్జునం భక్త్యా వైరాగ్యేణ శుకంతథా || ౨౦ ||
యత్ఫలంనా సమాప్నోతి ప్రసవద్గో ప్రదక్షిణాత్ |
ప్రదక్షిణాత్తదామాప్నోతి గురువృందావనస్య వై: || ౨౧ ||
బ్రహ్మ రాక్షన వేతాల భూత ప్రేతాదయో గణా: |
నామోచ్చారణ మాత్రేణ పలాయం తేన సంశయ: || ౨౨ ||
ఛంద శబ్దాది శాస్త్రేషు గతి హీనోస్మి బాలక: |
గుర్వనుగ్రహ లేశేన రచితా స్తోత్రమాలికా || ౨౩ ||
ఏకవారం పఠేన్నిత్యం లభతే జ్ఞానముత్తమం |
ద్వివారం తు పఠేన్నిత్యం ముచ్చతే సర్వ బంధనాత్ || ౨౪ ||
త్రివారం య: పఠేన్నిత్యం త్రికాలజ్ఞో భవిష్యతి |
పంచవారం జపేన్నిత్యం ముచ్చతే పంచపాతకాత్ || ౨౫ ||
సప్తధా దశధా చైవ భక్త్యా జపతి నిత్యశ: |
ధునోతి సర్వ పాపాని నయాతి యమ మందిరం || ౨౬ ||
చంద్ర సూర్యో పరాగేచ వ్యతిపాతేచ వైధృతా |
జన్మర్క్షె వాథ పుష్యార్కే జపాచ్ఛిద్ధిర్భవిష్యతి || ౨౭ ||
పురశ్చరణ రీత్యావా శతమష్టోత్తరం తథా |
ఏకద్విత్రి చతు: పంచ సప్తకం మండలం తథా || ౨౮ ||
వర్షమేకం జపేద్యో వై పురుషస్తత్ ప్రభావత: |
సంప్రాప్య సర్వలోకాన్ స:క్రమాద్యాతి పరం పదం || ౨౯ ||
త్రక్షోపాంగల వేన మన్మథ ముకార్షిద్ భస్మసాదంజసా |
తద్వద్ భక్త మనోరుహాన్ కువిషయాన్ కామాన్ ప్రదాహ్యామలం || ౩౦ ||
భక్తి జ్ఞాన విరక్తి భాగ్య ముచితం దత్వా భవార్ణో ధృతిం |
కర్తాయం మునిపుంగవో అత్ర భగవాన్ ప్రాణేశ్వర సాక్ష్యలం || ౩౧ ||
ఇతీదం రచితం స్తోత్రం స్వామిరాయాభిదేనవై |
పఠనాల్లభతే సౌఖ్యమ్ శాశ్వతమ్ చైహికం తథా || ౩౨ ||
చింతామణిం స్వభక్తానాం కల్పవృక్షంచ కామదం |
స్వామినం త్వాం రఘుప్రేమ తీర్థం వందేహ్యభీష్టదం || ౩౩ ||
|| ఇతి శ్రీ ముత్తిగి స్వామిరాయాచార్య విరచిత
శ్రీ రఘుప్రేమ తీర్థ స్తోత్రం సంపూర్ణం
శ్రీ కృష్ణార్పణమస్తు ||
