 |
 |
|| ಶ್ರೀ ರಘುಪ್ರೇಮ ತೀರ್ಥ ಸ್ತೋತ್ರಂ ||
ವಂದೇ ಬ್ರಹ್ಮೇಂದ್ರ ರುದ್ರಾದಿ ವಂದ್ಯ ಶ್ರೀಪಾದ ಪಂಕಜಂ |
ಶಂಖ ಚಕ್ರ ಗದಾ ಪದ್ಮ ಧಾರಿಣಂ ಹಯ ಶೀರ್ಷಕಂ || ೧ ||
ಶ್ರೀಮದಾನಂದ ತೀರ್ಥಾಖ್ಯಂ ಪ್ರಣಮಾಮಿ ಜಗದ್ಗುರುಂ |
ಯದ್ವದಶ್ಚಂದ್ರಿಕಾ ಭಕ್ತ ಸಂತಾಪಂ ವಿನಿಕೃಂತತಿ || ೨ ||
ರಘುಕಾಂತಾಖ್ಯ ರಘುದಾಂತಾಖ್ಯ ಯತಿದ್ವಯ ಸಕಾಶತ: |
ರಘುಪ್ರೇಮ ಮುನಿರ್ಜಾತೋ ಅರಣಿಭ್ಯಾಂ ಪಾವಕೋಯಥಾ || ೩ ||
ರಘುದಾಂತ ಕರಾಬ್ಜೋತ್ಥಮ್ ಶಮಾದಿ ಗುಣ ಬೃಂಹಿತಂ |
ರಘುಪ್ರೇಮ ಮುನಿಂ ವಂದೇ ರಾಮ ಪಾದೈಕ ಸಂಶ್ರಯಂ || ೪ ||
ಶ್ರೀಮದಾನಂದ ತೀರ್ಥಾರ್ಯ ಸಂಪ್ರದಾಯ ಪಯೋರ್ಣವೇ |
ಸುಧೇವಹಿ ಸಮುದ್ಭೂತೋ ರಘುಪ್ರೇಮಾಖ್ಯ ಸನ್ಮುನಿ: || ೫ ||
ಕಲಿಕಲ್ಮಷ ಯೋಗೇನ ದುಷ್ಟಚೇತಸ್ಕ ಸಜ್ಜನಾನ್ |
ಉದ್ಧರ್ತುಂ ಪ್ರೇಷಿತೋನೂನಂ ಹರಿಣಾಹಂಸರಾಟ್ ಭುವಂ || ೬ ||
ಗುರುವರ್ಯ ಮಹಾಭಾಗ ಸುಜನೇಷು ದಯಾಂಕುರು |
ಪ್ರಾರ್ಥಯಾಮಿ ದಯಾಸಿಂಧೋ ಮಾಮುದ್ಧರ ಭವಾರ್ಣ್ವಾತ್ || ೭ ||
ದಾರಿದ್ರ್ಯ ದು:ಖ ಸಂತಪ್ತಾ ಯೇಜನಾ: ಪರ್ಯುಪಾಸತೇ |
ತೇಷಾಂ ದು:ಖ ಪ್ರಹಾಣಂಸ್ಯಾತ್ ಕ್ಷಿಪ್ರಮ್ ಮೌನೇರನುಗ್ರಹಾತ್ || ೮ ||
ಯೇನರಾಸ್ತರ್ತು ಮಿಚ್ಛಂತಿ ಸುದುಸ್ತರ ಭವಾರ್ಣವಂ |
ಸಮಾಶ್ರಯೇ ಯುರ್ನೌ ಕಾಂ ತೇ ರಘುಪ್ರೇಮಾರ್ಯ ರೂಪಿಣೀಂ || ೯ ||
ಯಸ್ಯಾಂಘ್ರಿ ಧೂಲಿ ಪರಿಭೂಷಿತ ಗಾತ್ರವಂತ: |
ಯಸ್ಯಾಂಘ್ರಿ ಧಾವನ ಜಲಂ ಸಿರಸಾವಹಂತ: |
ಯಸ್ಯಾಂಘ್ರಿ ಕಂಜ ಮಧು ಸೇವನ ಭೃಂಗ ಭೂತಾ: |
ತೇ ನಿತ್ಯ ಸೌಖ್ಯ ಮುಪಯಾಂತಿ ಹರೇ: ಪ್ರಸಾದಾತ್ || ೧೦ ||
ಅಘಾದ್ರೇರ್ದಾರಣೀ ದಕ್ಷ ದೃಷ್ಟಿ ವಜ್ರಿಣಮರ್ಥಯೇ |
ಪ್ರಣತಾರ್ತಿಂ ಪ್ರಣಸ್ಯಾಶು ಪ್ರಣತಾನುದ್ಧರೇತ್ಯಹಂ | ೧೧ ||
ಶಿಷ್ಯೋಹಂ ತನಯೋಹಂ ತೇ ಕಿಂಕರೋಹಮ್ ತವಾನಘ |
ಪ್ರಸೀದ ಕೃಪಯಾಮಹ್ಯಂ ಬಿಂಬರೂಪಂ ಪ್ರದರ್ಶಯ || ೧೨ ||
ಅಸ್ಮಿನ್ ವೃಂದಾವನೇ ಪುಣ್ಯೇ ಸೇವಿತ: ಪದ್ಮಜಾದಿಭಿ: |
ಏಕದ್ವಿತ್ರಿ ಚತುರ್ಭಿಶ್ಚ ಪಂಚಾಷ್ಟ ದಶರೂಪಕೈ: || ೧೩ ||
ಚತುರ್ವಿಂಶತಿ ರೂಪೈರ್ವಾ ಏಕಪಂಚಾ ಶತಾ ತಥಾ |
ಶತರೂಪೈ ಸಹಸ್ರೈಶ್ಚ ರೂಪಕೈ ರಮತೇ ಹರಿ: || ೧೪ ||
ಹಯಗ್ರೀವಶ್ಚ ಕೃಷ್ಣೌಚ ಲಕ್ಷ್ಮೀ ನಾರಾಯಣಸ್ತಥಾ |
ಧನ್ವಂತರಿಶ್ಚ ರಾಮೌಚ ಕಪಿಲೋದತ್ತ ಏವಚ || ೧೫ ||
ನೃಸಿಂಹ ಭೂಧರೇ ಹಂಸೋ ರೂಪೈರೇತೈರಧೋಕ್ಷಜ |
ಸದಾ ಸನ್ನಿಹಿತೋ ಭೂತ್ವಾ ಕ್ರೀಡತೇ ಭಗವಾನ್ ಸ್ವಯಂ || ೧೬ ||
ಯೆ ನರಾ: ಶ್ರದ್ಧಯಾಯುಕ್ತಾ: ಮುನಿರಾಜಂ ಭಜಂತಿತೇ |
ಜ್ಞಾನ ವಿಜ್ಞಾನಮಾರೋಗ್ಯಂ ಧೈರ್ಯಂ ಕೀರ್ತಿಂಚ ಸಂತತಿಂ || ೧೭ ||
ಈಶತ್ವಂಚ ವಶಿತ್ವಂಚ ಶ್ರಿಯಂ ಕ್ಲೇಶ ವಿಮೋಚನಂ |
ಸರ್ವ ಸಿದ್ಧಿಂಚ ಮುಕ್ತಿಂಚ ಲಭಂತೇಹಿ ಯಥೇಪ್ಸಿತಮ್ || ೧೮ ||
ದಿವ್ಯ ಸಾಧನ ಸಮ್ಪತ್ಯಾ ತುಷ್ಟ ಪ್ರಾಣ ಪ್ರಸಾದತ: |
ಚತು: ಶತಾಬ್ಧಿ ಪರ್ಯಂತಂ ಭಜಕೇಷ್ಟ ಪ್ರದಾಯಕ: || ೧೯ ||
ವೃಂದಾವನೇತ್ರ ತಿಷ್ಠೇತ ರಾಜಮಾನೋ ಮಹಾಮುನಿ: |
ಸ್ಮಾರಯನ್ನರ್ಜುನಂ ಭಕ್ತ್ಯಾ ವೈರಾಗ್ಯೇಣ ಶುಕಂತಥಾ || ೨೦ ||
ಯತ್ಫಲಂನಾ ಸಮಾಪ್ನೋತಿ ಪ್ರಸವದ್ಗೋ ಪ್ರದಕ್ಷಿಣಾತ್ |
ಪ್ರದಕ್ಷಿಣಾತ್ತದಾಮಾಪ್ನೋತಿ ಗುರುವೃಂದಾವನಸ್ಯ ವೈ: || ೨೧ ||
ಬ್ರಹ್ಮ ರಾಕ್ಷನ ವೇತಾಲ ಭೂತ ಪ್ರೇತಾದಯೋ ಗಣಾ: |
ನಾಮೋಚ್ಚಾರಣ ಮಾತ್ರೇಣ ಪಲಾಯಂ ತೇನ ಸಂಶಯ: || ೨೨ ||
ಛಂದ ಶಬ್ದಾದಿ ಶಾಸ್ತ್ರೇಷು ಗತಿ ಹೀನೋಸ್ಮಿ ಬಾಲಕ: |
ಗುರ್ವನುಗ್ರಹ ಲೇಶೇನ ರಚಿತಾ ಸ್ತೋತ್ರಮಾಲಿಕಾ || ೨೩ ||
ಏಕವಾರಂ ಪಠೇನ್ನಿತ್ಯಂ ಲಭತೇ ಜ್ಞಾನಮುತ್ತಮಂ |
ದ್ವಿವಾರಂ ತು ಪಠೇನ್ನಿತ್ಯಂ ಮುಚ್ಚತೇ ಸರ್ವ ಬಂಧನಾತ್ || ೨೪ ||
ತ್ರಿವಾರಂ ಯ: ಪಠೇನ್ನಿತ್ಯಂ ತ್ರಿಕಾಲಜ್ಞೋ ಭವಿಷ್ಯತಿ |
ಪಂಚವಾರಂ ಜಪೇನ್ನಿತ್ಯಂ ಮುಚ್ಚತೇ ಪಂಚಪಾತಕಾತ್ || ೨೫ ||
ಸಪ್ತಧಾ ದಶಧಾ ಚೈವ ಭಕ್ತ್ಯಾ ಜಪತಿ ನಿತ್ಯಶ: |
ಧುನೋತಿ ಸರ್ವ ಪಾಪಾನಿ ನಯಾತಿ ಯಮ ಮಂದಿರಂ || ೨೬ ||
ಚಂದ್ರ ಸೂರ್ಯೋ ಪರಾಗೇಚ ವ್ಯತಿಪಾತೇಚ ವೈಧೃತಾ |
ಜನ್ಮರ್ಕ್ಷೆ ವಾಥ ಪುಷ್ಯಾರ್ಕೇ ಜಪಾಚ್ಛಿದ್ಧಿರ್ಭವಿಷ್ಯತಿ || ೨೭ ||
ಪುರಶ್ಚರಣ ರೀತ್ಯಾವಾ ಶತಮಷ್ಟೋತ್ತರಂ ತಥಾ |
ಏಕದ್ವಿತ್ರಿ ಚತು: ಪಂಚ ಸಪ್ತಕಂ ಮಂಡಲಂ ತಥಾ || ೨೮ ||
ವರ್ಷಮೇಕಂ ಜಪೇದ್ಯೋ ವೈ ಪುರುಷಸ್ತತ್ ಪ್ರಭಾವತ: |
ಸಂಪ್ರಾಪ್ಯ ಸರ್ವಲೋಕಾನ್ ಸ:ಕ್ರಮಾದ್ಯಾತಿ ಪರಂ ಪದಂ || ೨೯ ||
ತ್ರಕ್ಷೋಪಾಂಗಲ ವೇನ ಮನ್ಮಥ ಮುಕಾರ್ಷಿದ್ ಭಸ್ಮಸಾದಂಜಸಾ |
ತದ್ವದ್ ಭಕ್ತ ಮನೋರುಹಾನ್ ಕುವಿಷಯಾನ್ ಕಾಮಾನ್ ಪ್ರದಾಹ್ಯಾಮಲಂ || ೩೦ ||
ಭಕ್ತಿ ಜ್ಞಾನ ವಿರಕ್ತಿ ಭಾಗ್ಯ ಮುಚಿತಂ ದತ್ವಾ ಭವಾರ್ಣೋ ಧೃತಿಂ |
ಕರ್ತಾಯಂ ಮುನಿಪುಂಗವೋ ಅತ್ರ ಭಗವಾನ್ ಪ್ರಾಣೇಶ್ವರ ಸಾಕ್ಷ್ಯಲಂ || ೩೧ ||
ಇತೀದಂ ರಚಿತಂ ಸ್ತೋತ್ರಂ ಸ್ವಾಮಿರಾಯಾಭಿದೇನವೈ |
ಪಠನಾಲ್ಲಭತೇ ಸೌಖ್ಯಮ್ ಶಾಶ್ವತಮ್ ಚೈಹಿಕಂ ತಥಾ || ೩೨ ||
ಚಿಂತಾಮಣಿಂ ಸ್ವಭಕ್ತಾನಾಂ ಕಲ್ಪವೃಕ್ಷಂಚ ಕಾಮದಂ |
ಸ್ವಾಮಿನಂ ತ್ವಾಂ ರಘುಪ್ರೇಮ ತೀರ್ಥಂ ವಂದೇಹ್ಯಭೀಷ್ಟದಂ || ೩೩ ||
|| ಇತಿ ಶ್ರೀ ಮುತ್ತಿಗಿ ಸ್ವಾಮಿರಾಯಾಚಾರ್ಯ ವಿರಚಿತ
ಶ್ರೀ ರಘುಪ್ರೇಮ ತೀರ್ಥ ಸ್ತೋತ್ರಂ ಸಂಪೂರ್ಣಂ
ಶ್ರೀ ಕೃಷ್ಣಾರ್ಪಣಮಸ್ತು ||
|
|
